तब्बल एक किलो सोन्याच्या चोरीचा पर्दाफाश – कर्त्यव्यदक्ष पोलिसांनी कामगार चोराला जतमधून पकडले; तब्बल १ कोटी २७ लाखांचे सोने हस्तगत..

पुणे प्रतिनिधी :- गणेश तुम्मा

पुणे शहरातील फरासखाना पोलिसांनी एक भयंकर सोनं चोरी प्रकरण उघडकीस आणले आहे. १६ ऑक्टोबर २०२५ रोजी बुधवार पेठेतील ‘प्रिसियस रिफायनरी’च्या लॉकरमधून १०० ग्रॅम वजनाचे १० सोन्याचे बिस्किट, म्हणजेच तब्बल एक किलो शुध्द सोनं चोरी झालं होतं.चोरीचा मार्गदर्शक आरोपी कामगार प्रथमेश गणेश मंडले (वय १८, रा. सांगोला, सोलापूर) साखरसरशीने पोलिसांना चकवा देत सात ठिकाणं बदलत पळ काढत होता. परंतु, तपास पथकाने सातारा, सांगली, सोलापूर, कोल्हापुर, विजापुर (कर्नाटक) आणि विजयवाडा (आंध्रप्रदेश)मध्ये मिळून त्याचा तडजोडीने पाठलाग करून जत, सांगली येथून त्याला जाळ्यात ओढलं…

या चोरीतुन मिळालेले सोनं प्रथमेशने वेगवेगळ्या ठिकाणी लपवून ठेवलं होतं आणि काही सोनं कोल्हापुरातील कारागीर नामे शकील बशीर मोमीन (वय ४५) यालाही विकलं होतं. शकीललाही पोलिसांनी १० नोव्हेंबर रोजी ताब्यात घेतलं.पोलीसांनी या कारवाईत तब्बल १ कोटी २७ लाख रुपये किमतीचं संपूर्ण एक किलो सोनं हस्तगत करून एका मोठ्या गुन्ह्याचा उलगडा केला आहे.

या धक्कादायक कारवाईत उप-अपर पोलीस आयुक्त मनोज पाटील, उप-आयुक्त कृषिकेश रावले व सहाय्यक पोलीस आयुक्त अनुजा देशमाने यांच्या कठोर मार्गदर्शनाखाली फरासखाना पोलिस, त्यांच्या तपास पथकाने प्रतिभाशालीपणे काम करत या दोघांना अटक केली आहे.तपास पथकामध्ये उपनिरीक्षक अरविंद शिंदे, सहायक पोलीस निरीक्षक वैभव गायकवाड, तसेच अंमलदारांनी जोरदार भूमिकेत सहभाग घेत पोलिस यंत्रणेला मोठं यश मिळवलं आहे.

हा प्रकार काहीसा मोठा संदेश देतो की, चोरी करणाऱ्या गुन्हेगारांना पोलिस कितीही गुहेत भरत असले तरी योग्य तपास आणि चिकाटीने ते पकडले जातील.