पुणे, दि. ६ जून : पुणे गुन्हे शाखेच्या अंमली पदार्थ विरोधी पथकाने खराडी परिसरात धडक कारवाई करत पॉपी स्ट्रॉ (अफू) या अंमली पदार्थाची विक्री करणाऱ्या एका इसमाला अटक केली आहे. आरोपीकडून तब्बल १३ किलो ८० ग्रॅम पॉपी स्ट्रॉ जप्त करण्यात आला असून त्याची किंमत सुमारे २ लाख ६१ हजार ६०० रुपये असल्याची माहिती

अंमली पदार्थ विरोधी पथक-१ चे वरिष्ठ पोलीस निरीक्षक वाहिद पठाण यांच्या मार्गदर्शनाखाली पथक परिसरात गस्त घालत असताना खराडकर पार्क, थिटे वस्ती, साईकृपा बिल्डिंगसमोर एक इसम दोन गोण्यांसह संशयास्पदरीत्या उभा असल्याचे आढळून आले. पोलिसांनी त्याला ताब्यात घेऊन चौकशी केली असता त्याची उत्तरे संशयास्पद वाटल्याने झडती घेण्यात आली.झडतीदरम्यान आरोपी मुकेश विष्णाई (वय ३०, रा. खराडकर पार्क, थिटे वस्ती, खराडी, पुणे) याच्या ताब्यातील गोण्यांमधून १३ किलो ८० ग्रॅम पॉपी स्ट्रॉ (अफू) हा अंमली पदार्थ जप्त करण्यात आला. हा साठा बेकायदेशीररित्या विक्रीसाठी ठेवण्यात आल्याचे तपासात समोर आले.
याप्रकरणी खराडी पोलीस ठाण्यात एनडीपीएस कायद्यान्वये गुन्हा दाखल करण्यात आला असून पुढील तपास सुरू आहे.
ही कारवाई पोलीस आयुक्त अमितेश कुमार, सहपोलीस आयुक्त संजय दराडे, अपर पोलीस आयुक्त (गुन्हे) तेजस्वी सातपुते, पोलीस उपआयुक्त (गुन्हे) गौरव हसन आणि सहायक पोलीस आयुक्त शंकर खटके यांच्या मार्गदर्शनाखाली करण्यात आली.

 पुणे पोलिसांच्या अमली पदार्थ विरोधी कडक धोरणामुळे हा प्रकार उघडीसआला यामुळे देखील विशेष लक्ष घालून, लक्ष ठेवून अशा रेव पार्ट्यांवर पोलिसांची कठोर कारवाई केली जाईल या प्रकरणातील संबंधित आरोपीवर कठोर कारवाई केली जाईल जाणार आहे. 

पोलीस आयुक्त :- अमितेश कुमार 

The post खराडीत अंमली पदार्थांचा मोठा साठा जप्त; २.६१ लाखांचा ‘पॉपी स्ट्रॉ’सह तस्कर जेरबंद appeared first on Grahak Jagruti News .

दि. ४ जून २०२६ : पुणे महानगरपालिकेने डिजिटल प्रशासन आणि नागरिकाभिमुख सेवांच्या क्षेत्रात आणखी एक ऐतिहासिक टप्पा गाठत राष्ट्रीय स्तरावरील मानाचा सन्मान पटकावला आहे. भारत सरकारच्या प्रशासकीय सुधारणा व सार्वजनिक तक्रार निवारण विभागाकडून (DARPG) प्रदान करण्यात येणाऱ्या राष्ट्रीय ई-गव्हर्नन्स पुरस्कार २०२६ मध्ये पुणे महानगरपालिकेच्या ‘PMC 360’ या महत्त्वाकांक्षी डिजिटल परिवर्तन प्रकल्पाची सिल्व्हर अवॉर्डसाठी निवड करण्यात आली…

ई-गव्हर्नन्स अंतर्गत जिल्हा/शहरी स्थानिक स्वराज्य संस्था स्तरावरील उपक्रम’ या प्रतिष्ठित श्रेणीत पुणे महानगरपालिकेला हा गौरव प्राप्त झाला आहे. पुणे महानगरपालिकेचे आयुक्त नवल किशोर राम यांच्या मार्गदर्शनाखाली तसेच अतिरिक्त महापालिका आयुक्त पवनीत कौर, प्रजीत नायर, ओमप्रकाश दिवटे आणि माहिती व तंत्रज्ञान विभागाचे सिस्टीम अॅडमिनिस्ट्रेटर राहुल जगताप यांच्या सहकार्याने डिजिटल परिवर्तनाची व्यापक मोहीम यशस्वीपणे राबविण्यात आली.
या मोहिमेअंतर्गत महानगरपालिकेच्या संकेतस्थळाचे संपूर्ण आधुनिकीकरण, विविध डिजिटल प्रणालींचे पुनरुज्जीवन (Revamp), नागरिकांसाठी नवीन ऑनलाइन सेवा, तक्रार व्यवस्थापन प्रणाली तसेच कृत्रिम बुद्धिमत्ता (AI) आधारित सेवांचा विकास करण्यात आला. या सर्व उपक्रमांचे सादरीकरण नवी दिल्ली येथे तज्ज्ञ समितीसमोर करण्यात आले होते. त्यानंतर झालेल्या राष्ट्रीय स्तरावरील मूल्यमापन प्रक्रियेत ‘PMC 360’ प्रकल्पाने आपली छाप पाडत सिल्व्हर अवॉर्ड मिळविला.

PMC 360’ अंतर्गत आधुनिक तंत्रज्ञानावर आधारित नवीन संकेतस्थळ, ऑनलाइन सेवा पोर्टल, तक्रार विश्लेषण व निवारण प्रणाली, व्हॉट्सअॅप आधारित नागरिक सेवा आणि एआय तंत्रज्ञानाचा प्रभावी वापर करण्यात आला आहे. त्यामुळे नागरिकांना जलद, पारदर्शक, सुलभ आणि विश्वासार्ह सेवा उपलब्ध होत आहेत.
समृद्ध ऐतिहासिक वारसा जपत पुणे शहर आज डिजिटल प्रशासनातील देशातील अग्रगण्य शहरांपैकी एक म्हणून उदयास येत आहे. राष्ट्रीय ई-गव्हर्नन्स पुरस्कार २०२६ मधील हा सन्मान पुणे महानगरपालिकेचे अधिकारी, कर्मचारी, तंत्रज्ञान भागीदार आणि पुणेकर नागरिक यांच्या सामूहिक प्रयत्नांचे यश मानले जात आहे.
PMC 360’ च्या यशामुळे स्मार्ट गव्हर्नन्सच्या दिशेने पुण्याने आणखी एक भक्कम पाऊल टाकले असून, देशातील इतर शहरांसाठी आदर्श निर्माण केला आहे.

The post डिजिटल गव्हर्नन्समध्ये पुण्याचा देशभर डंका; ‘PMC 360’ ला राष्ट्रीय सिल्व्हर अवॉर्ड! appeared first on Grahak Jagruti News .

मालकाच्या हालचालींची माहिती मिळवून त्याच्यावरच दरोडा टाकण्याचा कट रचणाऱ्या कर्मचाऱ्यासह त्याच्या साथीदारांना सहकारनगर पोलिसांनी अवघ्या काही दिवसांत जेरबंद केले आहे. या कारवाईत पोलिसांनी तब्बल २५ लाख २० हजार रुपयांचा मुद्देमाल हस्तगत केला असून, आरोपींकडून भारतीय तसेच परकीय चलन जप्त करण्यात आले आहे.

दिनांक २५ मे २०२६ रोजी दुर्वांकुर कार्यालयाजवळ, धनकवडी पोस्ट ऑफिस रोड, संभाजीनगर येथे ही घटना घडली होती. आर्या फॉरेक्स प्रा. लि., मार्केटयार्ड रोड, गुलटेकडी येथील कार्यालयासाठी जात असताना फिर्यादी यांच्या डोळ्यांवर आणि चेहऱ्यावर स्प्रे मारून दोन अज्ञात इसमांनी त्यांच्या ताब्यातील २५ लाख ९० हजार रुपयांची रोख रक्कम व परकीय चलन असलेली बॅग जबरदस्तीने हिसकावून नेली होती.
या प्रकरणी सहकारनगर पोलीस ठाण्यात गुन्हा क्रमांक २०९/२०२६ अन्वये भारतीय न्याय संहिता कलम ३०९(६), ३(५) प्रमाणे गुन्हा दाखल करण्यात आला होता. या गुन्ह्याचा तपास सहाय्यक पोलीस निरीक्षक स्वप्नील लोहार करीत होते.
घटनेचा तपास करताना पोलिसांनी परिसरातील सीसीटीव्ही फुटेजची तपासणी केली. त्यानंतर मिळालेल्या गोपनीय माहितीनुसार आंबेगाव पठार परिसरातून एका विधिसंघर्षित बालकाला ताब्यात घेण्यात आले. चौकशीत त्याने आपल्या साथीदारांसह हा गुन्हा केल्याची कबुली दिली.
तपासात उघड झाले की, फिर्यादी यांच्या कार्यालयात काम करणारा युवराज गणेश वैराट (वय २४) यानेच संपूर्ण कट रचला होता. त्याच्या सांगण्यावरून करण भगवान कोंढाळकर (१९), यश भगवान कोंढाळकर (२१), जुनेद जमिल शेख (१९), ऋतुराज शिवाजी गोरे (२१) तसेच एका विधिसंघर्षित बालकाने मिळून हा दरोडा घातला होता.
पोलिसांनी सर्व आरोपींना अटक केली असून विधिसंघर्षित बालकास बाल न्याय मंडळ, येरवडा येथे हजर करण्यात आले आहे. आरोपींकडून २४ लाख ३० हजार रुपये भारतीय चलन आणि सुमारे ९० हजार रुपये किमतीचे परकीय चलन असा एकूण २५ लाख २० हजार रुपयांचा मुद्देमाल जप्त करण्यात आला आहे.

ही उल्लेखनीय कामगिरी अपर पोलीस आयुक्त राजेंद्र बनसोडे, पोलीस उपआयुक्त मिलिंद मोहिते, सहाय्यक पोलीस आयुक्त धन्यकुमार गोडसे यांच्या मार्गदर्शनाखाली वरिष्ठ पोलीस निरीक्षक विठ्ठल पवार व पोलीस निरीक्षक (गुन्हे) संतोष जाधव यांच्या सूचनेनुसार सहाय्यक पोलीस निरीक्षक स्वप्नील लोहार, पोलीस उपनिरीक्षक गणेश कर्चे तसेच तपास पथकातील पोलीस अंमलदार शिवतरे, सुतकर, भगत आणि सहकाऱ्यांनी पार पाडली.

The post विश्वासघाताचा कळस! मालकावरच दरोडा टाकणारी टोळी पोलिसांच्या जाळ्यात appeared first on Grahak Jagruti News .

पुणे आणि पिंपरी-चिंचवड परिसराला हादरवून सोडणाऱ्या विषारी दारूकांडाचे मृत्युतांडव थांबण्याची चिन्हे दिसत नसून शनिवारी आणखी तिघांचा मृत्यू झाल्याने मृतांचा आकडा २२ वर पोहोचला आहे. फुगेवाडीतील दोघांसह हडपसरमधील ससाणेनगर येथील एका नागरिकाचा उपचारादरम्यान मृत्यू झाला. या घटनेमुळे परिसरात भीती आणि संतापाचे वातावरण निर्माण झाले आहे.

मृतांमध्ये राजेंद्र टप्पे (वय ३६, रा. फुगेवाडी), महेंद्र ओवाळ (वय ५८, रा. दापोडी) आणि संजय लिंकन धैर्यम (वय ४९, रा. ससाणेनगर, हडपसर) यांचा समावेश आहे. तिघांचाही मृत्यू विषारी दारू प्राशनामुळे झाल्याचा आरोप त्यांच्या नातेवाईकांनी केला आहे.
या नव्या मृत्यूंमुळे फुगेवाडीतील मृतांची संख्या १५ वर, तर हडपसर परिसरातील मृतांची संख्या ७ वर पोहोचली आहे. याशिवाय आठहून अधिक नागरिकांवर विविध रुग्णालयांच्या अतिदक्षता विभागात उपचार सुरू असल्याची माहिती समोर आली आहे.
दरम्यान, या गंभीर प्रकरणाचा तपास वेगाने करण्यासाठी सीआयडीने दोन विशेष तपास पथके नियुक्त केली असून विषारी दारू तयार करण्यासाठी वापरण्यात आलेल्या मिथेनॉलचा पुरवठा करणाऱ्या कंपनीवर अन्न व औषध प्रशासनाने (FDA) छापेमारी कारवाई सुरू केली आहे.
या प्रकरणात राज्य उत्पादन शुल्क विभागाच्या भूमिकेवर गंभीर प्रश्नचिन्ह उपस्थित झाल्यानंतर विभागाने मोठी कारवाई करत १३ अधिकारी व कर्मचाऱ्यांना तत्काळ निलंबित केले आहे. अवैध हातभट्टी दारू अड्ड्यांवर कारवाई करण्यात अपयश आणि कर्तव्यात गंभीर हलगर्जीपणा केल्याचा ठपका ठेवण्यात आला आहे.
राज्य उत्पादन शुल्क आयुक्त डॉ. राजेश देशमुख यांनी महाराष्ट्र नागरी सेवा (शिस्त व अपील) नियम, १९७९ अंतर्गत निलंबनाचे आदेश जारी केले आहेत. निलंबित अधिकाऱ्यांमध्ये निरीक्षक, दुय्यम निरीक्षक आणि जवानांचा समावेश असून त्यांना निलंबन काळात कोणतीही खासगी नोकरी किंवा व्यवसाय करता येणार नसल्याचे आदेशात स्पष्ट करण्यात आले आहे.
विषारी दारूकांडातील वाढता मृत्यूदर, प्रशासनाची कथित निष्क्रियता आणि अवैध दारू व्यवसायाचे वाढते जाळे यामुळे नागरिकांमध्ये तीव्र संताप व्यक्त होत असून दोषींवर कठोर कारवाईची मागणी जोर धरू लागली आहे.

The post विषारी दारूकांडाचे मृत्युतांडव सुरूच! मृतांचा आकडा २२ वर; १३ अधिकारी निलंबित.. appeared first on Grahak Jagruti News .

पुणे पोलिसांनी मध्यरात्री राबवलेल्या विशेष कोबिंग ऑपरेशनमध्ये बुधवार पेठेतील रेडलाईट परिसरातून सहा बांगलादेशी महिलांना ताब्यात घेत मोठी कारवाई केली आहे. अवैधरित्या भारतात प्रवेश करून पुण्यात वास्तव्य करत असल्याचा धक्कादायक प्रकार या कारवाईत उघडकीस आला आहे.

पोलीस उपआयुक्त श्री. कृपिकेश रावले यांच्या मार्गदर्शनाखाली फरासखाना व खडक पोलीस स्टेशनच्या पथकाने बुधवार पेठेतील सागर बिल्डिंग येथे छापा टाकला. रात्री उशिरा करण्यात आलेल्या या कारवाईदरम्यान सहा महिलांना ताब्यात घेण्यात आले. चौकशीत या महिला बांगलादेशातून अवैधरित्या भारतात आल्याचे निष्पन्न झाले.
मिळालेल्या माहितीनुसार, संबंधित महिलांना पश्चिम बंगालमार्गे एजंटच्या माध्यमातून पुण्यात आणण्यात आले होते. सुरुवातीला शिलाईकाम, ब्युटी पार्लर व घरकामाच्या नावाखाली त्यांना येथे आणण्यात आले, मात्र त्यानंतर त्या वेश्याव्यवसायात सहभागी झाल्याची माहिती पोलिस तपासात समोर आली आहे

या कारवाईत महिलांकडून बांगलादेशी नागरिकत्वाचे पुरावे मिळाल्यानंतर त्यांना ताब्यात घेऊन पुढील कायदेशीर प्रक्रिया सुरू करण्यात आली आहे.
विशेष म्हणजे, पोलीस उपआयुक्त श्री. कृपिकेश रावले यांनी पदभार स्वीकारल्यानंतर आतापर्यंत सुमारे १०३ बांगलादेशी महिला व पुरुषांवर कारवाई करून त्यांना त्यांच्या देशात पाठविण्याची प्रक्रिया राबविण्यात आली असल्याची माहिती पोलिसांकडून देण्यात आली.
सदर कारवाई पोलीस आयुक्त श्री. अमितेश कुमार, सहपोलीस आयुक्त श्री. प्रवीण दराडे, अपर पोलीस आयुक्त श्री. राजेश बनसोडे यांच्या मार्गदर्शनाखाली पार पडली. फरासखाना व खडक पोलीस स्टेशनच्या अधिकारी व कर्मचाऱ्यांनी संयुक्तरित्या ही धडक मोहीम यशस्वी केली.

The post बुधवार पेठेतून ६ बांगलादेशी महिलांना ताब्यात; वेश्याव्यवसाय व अवैध वास्तव्याचा पर्दाफाश appeared first on Grahak Jagruti News .

पुणे शहरातील पाचगाव–पर्वती, तळजाई आणि सिंहगड रोड परिसरातील कथित बेकायदेशीर गौण खनिज उत्खनन, पर्यावरणाची मोठ्या प्रमाणावर होत असलेली हानी, महसूल विभागातील कथित भ्रष्टाचार आणि भूमाफियांच्या वाढत्या साखळीविरोधात “भ्रष्टाचार मुक्त प्रशासन” आणि “माहिती अधिकार कार्यकर्ता एकता परिषद, पुणे” यांच्या वतीने पुणे जिल्हाधिकारी कार्यालयासमोर दिनांक 18 मे 2026 पासून बेमुदत धरणे आंदोलन सुरू करण्यात आले आहे.
आंदोलनकर्त्यांनी प्रशासनावर गंभीर आरोप करत पुण्याच्या टेकड्या आणि पर्यावरण वाचवण्यासाठी निर्णायक लढा उभारण्याचा इशारा दिला आहे. “पुण्याची फुफ्फुसे असलेल्या टेकड्या वाचवण्यासाठी आम्ही शेवटपर्यंत लढणार,” अशी भूमिका आंदोलनकर्त्यांनी जाहीर केली.

आंदोलनातील प्रमुख मागण्या
पाचगाव–पर्वती टेकडी परिसरातील सर्व्हे नं. 23/1क येथे कथित बेकायदेशीर गौण खनिज उत्खनन करणाऱ्या भूमाफियांवर मोक्का अंतर्गत कारवाई करण्यात यावी.

मौजे हिंगणे खुर्द येथील गौण खनिज प्रकरणातील शासनाचा दंड तात्काळ वसूल करून संबंधित जमीन शासन दप्तरी जप्त करण्यात यावी.
बेकायदेशीर उत्खनन तात्काळ बंद करून संबंधित आरोपींना अटक करण्यात यावी.
बीडीपी झोनमधील अनधिकृत प्लॉटिंग आणि विक्री व्यवहार थांबवून नागरिकांची फसवणूक रोखावी.
सिंहगड रोड पोलीस स्टेशन येथे दाखल गुन्ह्यांमध्ये कारवाई का होत नाही याची उच्चस्तरीय चौकशी करण्यात यावी.
भूमाफिया सिंडिकेटचा पर्दाफाश करून SIT आणि CID मार्फत चौकशी करण्यात यावी.
संबंधित अधिकारी व कर्मचाऱ्यांवर कठोर कारवाई करण्यात यावी.
ETS / Joint Measurement करून प्रत्यक्ष उत्खननाचा सार्वजनिक अहवाल जाहीर करण्यात यावा.

गंभीर प्रकरणांवर आंदोलनकर्त्यांचा थेट आरोप
राऊत आयकॉन्स प्रकल्पावर संशय
सिंहगड रोड परिसरातील सर्व्हे नं. 130/1/1 येथे तहसीलदार कार्यालयाकडून विविध टप्प्यांत परवानग्या देत एकूण 1050 ब्रास उत्खननास परवानगी दिल्याचा आरोप आंदोलनकर्त्यांनी केला आहे. महाराष्ट्र जमीन महसूल संहिता 1966 नुसार तहसीलदारांना केवळ 500 ब्रासपर्यंत अधिकार असताना नियमभंग व संगनमताचा गंभीर संशय व्यक्त करण्यात आला आहे.
सदाशिव पेठेतील उत्खनन प्रकरण
सिटी सर्व्हे नं. 2073, विजयनगर, सदाशिव पेठ येथे परवानगीपूर्वीच मोठ्या प्रमाणावर उत्खनन करून बांधकाम सुरू करण्यात आल्याचा आरोप करण्यात आला आहे. माहिती अधिकार अर्जानंतर संशयास्पदरीत्या परवानगी घेण्यात आल्याचा दावा आंदोलनकर्त्यांनी केला.
राहुल हिरवे प्रकरण पुन्हा चर्चेत
सर्व्हे नं. 120 अ व 120 ब प्रकरणात ₹32,70,075 दंड आकारण्यात आला असूनही शासनाकडे वसुली झालेली नसल्याचा आरोप करण्यात आला आहे. तसेच बेकायदेशीर ब्लास्टिंगबाबत गृह विभाग, पोलीस आयुक्त कार्यालय आणि संबंधित पोलीस स्टेशनकडून कोणतीही परवानगी नसल्याचा दावा करण्यात आला असूनही गुन्हा दाखल करण्यात टाळाटाळ होत असल्याचे आंदोलनकर्त्यांचे म्हणणे आहे.
तहसीलदारांवर गंभीर आरोप
तहसीलदार श्रीमती स्मिता माने यांच्यावर तक्रारींकडे दुर्लक्ष, अपमानास्पद वर्तन आणि नागरिकांना “तुम्हाला जे करायचे ते करा” अशा भाषेचा वापर केल्याचा आरोप आंदोलनकर्त्यांनी केला आहे. हे वर्तन लोकसेवकाच्या संविधानिक जबाबदाऱ्यांना धरून नसल्याचे आंदोलनकर्त्यांनी म्हटले.
शासनाचे डोळे उघडा” आंदोलन
गौण खनिज विभागाच्या कथित दुर्लक्षामुळे शासनाचा कोट्यवधी रुपयांचा महसूल बुडत असल्याचा आरोप करत नागरिकांनी जिल्हाधिकारी कार्यालयासमोर ठिय्या आंदोलन सुरू ठेवले आहे. पर्यावरण, महसूल आणि कायदा सुव्यवस्था धोक्यात आल्याचा दावा करत संबंधितांवर कठोर कारवाईची मागणी करण्यात येत आहे.

The post पुण्याच्या टेकड्यांवर भूमाफियांचा घाला; भ्रष्टाचाराविरोधात जिल्हाधिकारी कार्यालयासमोर बेमुदत रणसंग्राम!” appeared first on Grahak Jagruti News .

पुणे शहरातील टोळी युद्धात हाकनाक बळी
आंदेकर खून प्रकरणातील आरोपीच्या भावाची भरदिवसा गोळ्या झाडून हत्या
पुणे शहरात सुरू असलेल्या टोळीयुद्धाने पुन्हा एकदा रक्तरंजित वळण घेतले असून कात्रज परिसरातील बालाजी नगर येथे बुधवारी सकाळी एका तरुणाची गोळ्या झाडून व कोयत्याने वार करून निर्घृण हत्या करण्यात आली. या घटनेमुळे संपूर्ण परिसरात खळबळ उडाली असून शहरातील वाढत्या गुन्हेगारीबाबत नागरिकांमध्ये भीतीचे वातावरण निर्माण झाले आहे.

मृत तरुणाचे नाव अक्षय उर्फ बाळा बापू म्हस्के (वय २६, रा. आंबेगाव पठार, पुणे) असे असून तो वनराज आंदेकर खून प्रकरणातील आरोपी आकाश म्हस्के याचा भाऊ असल्याची माहिती समोर आली आहे. आंदेकर खून प्रकरणाशी संबंधित आरोपींच्या कुटुंबातील ही तिसरी हत्या असल्याने या टोळीयुद्धाने आणखी गंभीर स्वरूप धारण केले आहे.
मिळालेल्या माहितीनुसार, बुधवारी सकाळी बालाजी नगर परिसरात काही हल्लेखोर दबा धरून बसले होते. अक्षय म्हस्के घटनास्थळी आल्यानंतर त्याच्यावर जवळून तीन गोळ्या झाडण्यात आल्या. त्यानंतर हल्लेखोरांनी त्याच्या डोक्यावर व तोंडावर कोयत्याने वार करत अत्यंत क्रूरपणे हत्या केली. गोळ्या लागल्याने अक्षयचा जागीच मृत्यू झाला.
घटनेची माहिती मिळताच पोलीस अधिकारी, गुन्हे शाखा व फॉरेन्सिक पथक घटनास्थळी दाखल झाले असून परिसरातील सीसीटीव्ही फुटेज आणि अन्य पुरावे तपासले जात आहेत. या घटनेनंतर कात्रज परिसरात तणावाचे वातावरण निर्माण झाले आहे.

१ सप्टेंबर २०२४ रोजी नाना पेठ परिसरात माजी नगरसेवक वनराज आंदेकर यांची गोळ्या झाडून आणि कोयत्याने वार करून हत्या करण्यात आली होती. या प्रकरणात आंदेकर यांच्या बहिणीसह २१ जणांना अटक करण्यात आली होती आणि पोलिसांनी तब्बल १७०० पानांचे आरोपपत्र न्यायालयात दाखल केले आहे.
यानंतर सप्टेंबर २०२५ मध्ये वनराज आंदेकर यांच्या खुनाचा बदला घेण्यासाठी गणेश कोमकर यांचा मुलगा आयुष कोमकर याची हत्या करण्यात आली होती. त्यानंतर नोव्हेंबर २०२५ मध्ये कोंढवा परिसरात समीर काळे याचा भाऊ गणेश काळे याचाही भरदिवसा खून करण्यात आला होता. आता अक्षय म्हस्केच्या हत्येमुळे आंदेकर प्रकरणातील आरोपींच्या नातेवाईकांना लक्ष्य करण्याचे सत्र अद्याप सुरू असल्याचे स्पष्ट होत आहे.
पुणे शहरातील वाढते टोळीयुद्ध, खुलेआम होणारे हल्ले आणि भरदिवसा होणाऱ्या हत्या यामुळे कायदा-सुव्यवस्थेचा प्रश्न पुन्हा ऐरणीवर आला असून पोलिसांसमोर मोठे आव्हान उभे राहिले आहे.

The post कात्रजमध्ये रक्तरंजित थरार:भरदिवसा गोळ्या झाडून आंदेकर प्रकरणातील आरोपीच्या भावाचा हाकनाक बळी… appeared first on Grahak Jagruti News .

महात्मा फुले वाडा समताभूमी परिसरात, दवंडी, सायरन आणि अचानक मिटिंग घोषणेमुळे पुण्यात खळबळ; “संवाद हवा, भीती नको” — नागरिकांचा संताप…

पुण्यातील महात्मा फुले समता भूमी परिसरात प्रशासनाच्या कथित कारभारामुळे नागरिकांमध्ये भीती आणि संभ्रमाचे वातावरण निर्माण झाल्याचा आरोप स्थानिकांकडून केला जात आहे. सायरन, दवंडी आणि अचानक मिटिंगच्या घोषणांमुळे विशेषतः जेष्ठ नागरिक, महिला आणि लहान मुलांच्या कुटुंबांमध्ये घबराट पसरल्याची चर्चा रंगली आहे.
दि. 15 मे 2026 रोजी संध्याकाळी परिसरात भोंगे लावून एक वाहन फिरत होते. त्या वाहनातून दि. 16 मे रोजी दुपारी 1 वाजता नागरिकांची मिटिंग बोलावण्यात आल्याची घोषणा करण्यात येत होती. या अचानक झालेल्या घोषणेमुळे अनेक नागरिक घराबाहेर पडले, तर काही काळ परिसरात नेमकं काय घडतंय याबाबत संभ्रम निर्माण झाला.
विशेष म्हणजे, याच पार्श्वभूमीवर विधानपरिषद उपसभापती डॉ. नीलम गोऱ्हे यांनी “लोकांना विश्वासात घेऊन पुनर्वसन प्रक्रिया राबवावी” असे स्पष्ट निर्देश प्रशासनाला दिल्याची माहिती समोर आली होती. मात्र त्याच दिवशी सायरन आणि दवंडीच्या माध्यमातून नागरिकांना मिटिंगसाठी बोलावले गेल्याने प्रशासनाच्या भूमिकेवर प्रश्नचिन्ह निर्माण झाले आहे.
स्थानिक नागरिक अविनाश देवकुळे यांनी सांगितले की, “सायरनचा आवाज ऐकून काही वेळ काय घडतंय हेच समजलं नाही. वृद्ध लोक घाबरले, महिलांनी घराबाहेर येऊन विचारणा सुरू केली.”

या संदर्भात संबंधित वाहनातील मुकादम निहाल कांबळे यांच्याशी संपर्क साधला असता त्यांनी, “DSI महेंद्र सावंत साहेबांचे आदेश आहेत. माझा संबंध नाही, मी फक्त काम करतोय,” असे सांगितल्याचा दावा करण्यात आला आहे.
यानंतर DSI महेंद्र सावंत यांच्याशी संपर्क साधला असता त्यांनी “AMC अधिकारी प्रदीप आव्हाड साहेबांचे आदेश आहेत,” असे सांगितल्याची माहिती समोर आली.
दरम्यान, AMC अधिकारी प्रदीप आव्हाड यांनी वरिष्ठ स्तरावरून सूचना आल्याचे सांगत नागरिकांमध्ये निर्माण झालेली घबराट लक्षात घेता संबंधित अनाउन्समेंट थांबवण्यात आल्याचे स्पष्ट केले. तसेच दि. 16 मे रोजी होणारी मिटिंग रद्द करण्यात आल्याची माहितीही त्यांनी दिली.

पुण्यासारख्या आधुनिक शहरात प्रशासनाकडे मोबाईल संपर्क, अधिकृत नोटीस, पत्रव्यवहार आणि डिजिटल माध्यमे उपलब्ध असताना सायरन व दवंडीच्या माध्यमातून अचानक मिटिंगची घोषणा करण्याची गरज का भासली, असा सवाल आता स्थानिक नागरिक उपस्थित करत आहेत.
नागरिकांच्या भावना व्यक्त करताना काहींनी संतप्त प्रतिक्रिया दिल्या —
“मतदान मागताना दवंडीची गरज नव्हती… तेव्हा मात्र घरोघरी येत होते.”
“लोकांना आधी विश्वासात का घेतलं नाही?”
“पुनर्वसन हवं… पण दहशत नको!”
सध्या महात्मा फुले समता भूमी परिसरात एकच चर्चा रंगली आहे —
“संवादाने प्रश्न सुटणार… की भीती दाखवून?”

The post “समता भूमीवर सायरनचा थरार; पुनर्वसनाच्या नावाखाली नागरिकांमध्ये दहशत?” appeared first on Grahak Jagruti News .

दखलपात्र गुन्हा करण्याच्या तयारीत फिरत असलेल्या दोन सख्ख्या भावांना वानवडी पोलिसांच्या तपास पथकाने शिताफीने अटक केली असून त्यांच्याकडून एक गावठी बनावटीचे पिस्टल, ५ जिवंत काडतुसे, धारदार लोखंडी चाकू व अॅक्टीवा मोपेड असा एकूण १ लाख १२ हजार ८०० रुपयांचा मुद्देमाल जप्त करण्यात आला आहे.

<span;>दि. १४ मे २०२६ रोजी वानवडी पोलीस स्टेशनच्या तपास पथकाचे प्रभारी सहायक पोलीस निरीक्षक उमाकांत महाडिक व त्यांचे पथक हद्दीत पेट्रोलिंग करीत असताना पोलीस अंमलदार अभिजीत चव्हाण यांना बातमीदारामार्फत माहिती मिळाली की, चॉकलेटी रंगाच्या अॅक्टीवा स्कुटरवरून दोन संशयित इसम फिरत असून ते कोणता तरी गंभीर दखलपात्र गुन्हा करण्याच्या उद्देशाने अग्निशस्त्र बाळगून वावरत आहेत.
<span;>सदर माहिती वरिष्ठांना कळवून त्यांच्या मार्गदर्शनाखाली तपास पथकाने तात्काळ सापळा रचून छापा कारवाई केली. यावेळी बातमीप्रमाणे संशयित इसम अॅक्टीवा मोपेडवरून येताना आढळून आले. पोलिसांनी त्यांना ताब्यात घेऊन चौकशी केली असता त्यांनी आपली नावे साहील रफिक शेख (वय २१, रा. खजुरेवस्ती, वैदवाडी, हडपसर, पुणे) व सद्दाम रफिक शेख (वय २५) अशी सांगितली.
<span;>त्यांची अंगझडती घेतली असता साहील शेख याच्याकडे धारदार लोखंडी चाकू, तर सद्दाम शेख याच्याकडे गावठी बनावटीचे लोखंडी पिस्टल, मॅगझिन आणि ५ जिवंत काडतुसे आढळून आली. पोलिसांनी तात्काळ सर्व शस्त्रे व वाहन जप्त केले.
<span;>या प्रकरणी वानवडी पोलीस स्टेशन येथे गु.र. नं. २१६/२०२६ अन्वये भारतीय शस्त्र अधिनियम कलम ३(२५), ४(२५) तसेच महाराष्ट्र पोलीस अधिनियम कलम ३७(१) सह १३५ अंतर्गत गुन्हा दाखल करण्यात आला असून दोन्ही आरोपींना अटक करण्यात आली आहे. पुढील तपास सहायक पोलीस निरीक्षक उमाकांत महाडिक करीत आहेत.
<span;>ही कारवाई अपर पोलीस आयुक्त (पूर्व प्रादेशिक विभाग) श्री. मनोज पाटील, पोलीस उपायुक्त परिमंडळ-५ श्रीमती राजलक्ष्मी शिवणकर, सहायक पोलीस आयुक्त वानवडी विभाग श्रीमती नम्रता देसाई यांच्या मार्गदर्शनाखाली वरिष्ठ पोलीस निरीक्षक भाऊसाहेब पाटील व पोलीस निरीक्षक (गुन्हे) श्रीमती संगीता जाधव यांच्या सूचनेनुसार करण्यात आली. कारवाईत सहायक पोलीस निरीक्षक उमाकांत महाडिक, पोलीस उपनिरीक्षक अल्फाज शेख तसेच तपास पथकातील अधिकारी व कर्मचाऱ्यांनी सहभाग घेतला.

The post गावठी पिस्टलसह दोन सख्खे भाऊ जेरबंद; मोठा गुन्हा घडण्याआधी वानवडी पोलिसांची धडाकेबाज कारवाई appeared first on Grahak Jagruti News .

चारित्र्याच्या संशयातून घडलेल्या गंभीर गुन्ह्यात न्यायालयाचा कडक निर्णय; ११ वर्षांनी पीडितेला न्याय….

पुणे शहराला हादरवून सोडणाऱ्या कात्रज येथील गंगा ओशन सोसायटीतील पत्नीच्या खुनाच्या प्रकरणात अखेर न्यायालयाने महत्त्वपूर्ण निकाल देत आरोपी रामचंद्र सेहु चव्हाण यास आजीवन कारावासाची शिक्षा सुनावली आहे. मा. विशेष जिल्हा व सत्र न्यायाधीश श्री. सुमित जोशी यांनी दिनांक ०५ मे २०२६ रोजी हा निर्णय दिला.
दिनांक ०९ ऑक्टोबर २०१५ रोजी घडलेल्या या घटनेत आरोपीने पत्नीवर चारित्र्याचा संशय घेत अत्यंत क्रूर पद्धतीने तिचा खून केला होता. घटनेनंतर आरोपी संशयास्पद अवस्थेत कात्रज चौक परिसरात फिरताना नागरिक व पोलिसांच्या लक्षात आला. त्यानंतर त्याला तात्काळ ताब्यात घेण्यात आले.

या प्रकरणाचा तपास तत्कालीन सहाय्यक पोलीस निरीक्षक शेखर शिंदे यांनी काटेकोरपणे करत ठोस पुरावे गोळा केले आणि न्यायालयात दोषारोपपत्र दाखल केले.
सुनावणीदरम्यान फिर्यादीस न्याय मिळावा आणि आरोपीस कठोर शिक्षा व्हावी यासाठी पोलीस उप आयुक्त परिमंडळ २, पुणे शहर श्री. मिलिंद मोहिते यांनी सातत्याने पाठपुरावा केला. या प्रकरणात सरकारी वकील श्री. अग्रवाल यांनी प्रभावी बाजू मांडली.
ही कारवाई पोलीस आयुक्त श्री. अमितेश कुमार, सह आयुक्त श्री. रंजनकुमार शर्मा, अपर पोलीस आयुक्त श्री. राजेश बनसोडे, तसेच सहायक पोलीस आयुक्त श्री. राहुल आवारे यांच्या मार्गदर्शनाखाली पार पडली. भारती विद्यापीठ पोलीस स्टेशनच्या पथकानेही या प्रकरणात महत्त्वाची भूमिका बजावली.
या निकालामुळे शहरात गंभीर गुन्ह्यांविरोधात कडक संदेश गेला असून न्यायव्यवस्थेवरील नागरिकांचा विश्वास अधिक दृढ झाला आहे

The post कात्रज हत्याकांडाला न्याय: पत्नीच्या खुनासाठी पतीला आजीवन कारावास” appeared first on Grahak Jagruti News .